வாழ்க்கை

நொடியில் தவறிவிடும் பேருந்து

கனவு முடியும் முன்

களைந்து விடும் தூக்கம் ,

வேறொருவரின் கையில்

நாம் விரும்பிய பரிசுப்பொருள் ,

எடுப்பதற்குள் ஓய்ந்துவிடும்

அலைபேசியின் அழைப்பு ,

நினைவுக்கு வரும் முன்

போக்குவரத்தில் மறைந்து விடும்

எங்கேயோ பார்த்த முகம்

வாழ்கை தான் எவ்வளவு நிச்சயமற்றது ....

இரகசியம்

ஒரு நண்பகலின்

ஆழ்ந்த மௌனத்தில்

உணர்ந்தேன் ...

பிரபஞ்ச இரகசியங்களின்

திறவுகோல்

காலடியில் மிதிபட்டு

காய்ந்த சருகுகள்

ஏற்படுத்தும் ஓசைக்கும்

நிசப்ததிற்கும்

இடையில்

ஒளித்து வைக்கப்பட்டிருப்பதை ......